«Не чакай вавёрку – тушы акурак!»

А вы ведаеце, на што здольны недатушаны недакурак, які ўпаў на ложак ці падлогу? Прыкладна праз 2 хвіліны ён выкліча агонь, а праз некалькі імгненняў – пажар, патушыць які сваімі сіламі будзе немагчыма. На жаль, не ўсе бачаць у гэтым важкую прычыну для адмовы ад цыгарэт. Аднак калі курыць ці не курыць – выбар кожнага, то тушыць за сабой недакуркі – прамы абавязак усіх курцоў.

Для таго каб прыцягнуць увагу да праблемы пажараў з-за неасцярожнага абыходжання з агнём пры курэнні і нагадаць пра бяспеку, Рэспубліканскі цэнтр прапаганды МНС з 9 лістапада 2020 года запусціў новую інфармацыйна-прапагандысцкую кампанію – «Не чакай вавёрку – тушы недакурак!». Яе мэтавая аўдыторыя – людзі, якія грэбуюць правіламі бяспекі і лічаць, што недатушаная цыгарэта – дробязь, якая не здольна прывесці да трагедыі.

Але як незвычайна падаць надзённую праблему, каб зацікавіць мэтавую аўдыторыю і заклікаць яе змяніць свае паводзіны? Вядома, пры дапамозе крэатыўных ідэй і гумару. Такім чынам, галоўнай «гераіняй» новай кампаніі стала вавёрка – спрытны і шустры звярок, які схоплівае ўсё на ляту. Яна вельмі цікаўная і разумная, таму здольна хутка апынуцца там, дзе выкідваюць тлеючы недакурак, і патушыць яго замест няўдачлівага і бестурботнага курца.

«Вавёрка прыйшла!» і «Не чакай вавёрку – тушы недакурак!» – такія пасылы ляглі ў аснову кампаніі. Выбраны яны невыпадкова: па-першае, іх камічнасць імгненна ўключае ўяўленне і дазваляе ярка прадставіць вобразы пухнатых прыхільнікаў правілаў бяспекі, якія вядуць бой з недатушанымі цыгарэтамі. Па-другое, усім вядомыя асацыяцыі, якія ўзнікаюць ад гэтых фраз. Яны будуць асабліва блізкія «групе павышанай рызыкі» – людзям, якія вядуць нецвярозы лад жыцця, – для якіх пакурыць у ложку і заснуць – звычайная справа. Дзякуючы такой лёгкай і жартаўлівай форме слоганы кампаніі абавязкова ўсплывуць у свядомасці мэтавай аўдыторыі, калі тая ў чарговы раз будзе даставаць цыгарэты, і вызначана прымусіць яе патушыць недакуркі, каб «вавёрка не прыйшла».