Парушэнне правілаў эксплуатацыі печаў было і застаецца адной з самых распаўсюджаных прычын узнікнення пажараў

Парушэнне правілаў эксплуатацыі печаў было і застаецца адной з самых распаўсюджаных прычын узнікнення пажараў.

З надыходам халадоў пажары з-за пячнога ацяплення адбываюцца практычна штодня, часцей за ўсё ў выніку перакалу печаў, з'яўлення ў цагляным муры расколін, у выніку прымянення для распальвання гаручых і лёгкаўзгаральных вадкасцей, выпадзення з топкі або попельніка гарачых вуглёў. Акрамя гэтага, печы нярэдка пакідаюць падчас топкі без нагляду. У моцныя маразы печы топяць доўгі час, у выніку чаго адбываецца перакал асобных іх частак, а калі гэтыя часткі сутыкаюцца з драўлянымі сценамі або мэбляй, то пажар непазбежны.

Днём 25 студзеня 2023 года ратавальнікам паступіла паведамленне
аб пажары жылога дома ў в. Вялікія Рогі Жлобінскага раёна Гомельскай вобласці. На момант узнікнення пажару ў доме знаходзіўся адзін 15-гадовы сын гаспадара. Падлетак, адчуўшы пах дыму, забег у кацельню, убачыў узгаранне і прыступіў
да самастойнага тушэння. З апёкамі цела, якія дзіця атрымала пры самастойным тушэнні пажару, яго шпіталізавалі. Прычынай трагедыі паслужыла парушэнне правілаў эксплуатацыі печаў, цеплагенерыруючых агрэгатаў і прылад.

18 красавіка2023 года ратавальнікам паступіла паведамленне аб пажары
ў в. Бучаціна Капыльскага раёна Мінскай вобласці. Як высветлілася, на момант пажару дома нікога не было. Бестурботныя гаспадары, упэўненыя, што нічога страшнага не адбудзецца, раніцай распалілі кацёл і пайшлі на працу. Кацёл знаходзіўся ў няспраўным стане. Праз шчыліну з катла вылецела іскра і ўпала на смецце, якое ляжала побач, пасля чаго яно загарэлася, а агонь распаўсюдзіўся па канструкцыях дома.

Ноччу 3 снежня2023 годаў п. Смілавічы Чэрвеньскага раёна Мінскай вобласці пры пажары ў жылым доме выратаваны мужчына. Як высветлілася, мужчыну не спалася, ён вырашыў паглядзець тэлевізар.
У нейкі момант ён адчуў пах гары і, павярнуўшы галаву, убачыў, што з-пад столі ідзе дым. Пасля беспаспяховых спроб патушыць узгаранне адчайны мужчына пабег да суседзяў выклікаць ратавальнікаў. Пазней высветлілася, што брат гаспадыні, які пражывае ў доме, за мінулыя суткі неаднаразова растопліваў печ, якая мела скразныя расколіны і даўно патрабавала рамонту. Грэбаваў гаспадар
і пабелкай, і атынкаваннем коміна ў гарышчы. Прычынай узгарання сталі парушэнні ў правілах эксплуатацыі пячнога ацяплення.

Трагічны выпадак адбыўся 3 снежня мінулага года
у а.г. Конкавічы Петрыкаўскага раёна Гомельскай вобласці. На пажары загінула сям'я з трох чалавек (муж і жонка 37 і 38 гадоў, а таксама іх 10-гадовая дачка). Напярэдадні ўвечары ў доме адбылося загаранне коўдры, якая ляжала побач з печчу. Менавіта парушэнне правілаў эксплуатацыі пячнога ацяплення і прывяло пасля да гібелі ўсіх трох членаў сям'і.

Такім чынам, каб не дапусціць пажару ў доме, трэба трымаць пячное ацяпленне ў парадку згодна з нормамі і правіламі пажарнай бяспекі.

Па-першае, печ павінна мець самастойны падмурак. Паміж сценкамі печы і драўлянымі канструкцыямі павінен заставацца паветраны прамежак – адступка.

Па-другое, у печы не павінна быць расколін і шчылін, а комін павінен мець добрую цягу і быць пабелены вапнавым растворам. Робіцца гэта для таго, каб на белым фоне можна было заўважыць расколіны, якія з'яўляюцца з часам. На тое, што герметычнасць печы парушана, паказваюць чорныя сляды ад дыму ў месцах расколін. Асаблівай увагі патрабуюць печы, якім ужо не адзін дзясятак гадоў. Як правіла, іх складалі са звычайнай чырвонай цэглы, а не з вогнеўпора.

Па-трэцяе, печ і дымавая труба ў месцах злучэння
з драўлянымі перакрыццямі павінны мець патоўшчанне цаглянага мура або раздзелку. Каб выпадкова выпаўшыя гарачыя вуглі не прывялі да пажару, прыбіце перад топкай на драўлянай падлозе металічны ліст.

Па-чацвёртае, тапіць печ рэкамендуецца два-тры разы на дзень не больш чым па паўтары гадзіны. Топку спыняйце не менш чым за 2 гадзіны да сну. За гэты час дровы паспеюць перагарэць і можна будзе закрыць комін. Ні ў якім выпадку не выкарыстоўвайце пры распальванні лёгкаўзгаральныя і гаручыя вадкасці. Таксама не пакідайце адкрытымі топачныя дзверцы і печ, якая топіцца, без нагляду. Трымайце не менш чым у паўтара метрах ад печы адзенне, мэблю, дровы і іншыя гаручыя матэрыялы. Попел і перагарэлыя вуглі перад тым як выкінуць, варта праліць вадой да поўнага спынення тлення.

А зараз давайце папоўнім свой слоўнікавы запас і разам успомнім некаторыя тэрміны і азначэнні, звязаныя з пячным ацяпленнем.