Узнагарода за зладжаную працу: Лынтупскае лясніцтва ў тройцы лепшых Віцебскай вобласці
На мінулым тыдні ў абласным цэнтры адбылося пасяджэнне калегіі Віцебскага дзяржаўнага вытворчага лесагаспадарчага аб'яднання. На ім падвялі вынікі працы за мінулы год і разгледзелі задачы на бягучы, узнагародзілі лепшыя калектывы лясгасаў і лясніцтваў. Лынтупскаму лясніцтву прысуджана 3-е месца. Адпаведны дыплом уручаны ляснічаму Рышарду Пецюлевічу.