На тэрыторыі Пастаўскага раёна з 18 мая па 22 мая 2026 года пройдзе спецыяльнае прафілактычнае мерапрыемства «Зялёны шчыт».

 Яго мэта – папярэджанне загаранняў у прыродных экасістэмах і мінімізацыя наступстваў ад іх, зніжэнне фактаў гібелі і траўміравання людзей ад загаранняў, а таксама павышэнне ўзроўню культуры бяспекі жыццядзейнасці сярод насельніцтва. Работнікі МНС арганізуюць рэйдавыя мерапрыемствы, накіраваныя на выяўленне патэнцыйных пажаранебяспечных участкаў, правядуць прафілактычныя тлумачальныя гутаркі з жыхарамі.

Па стане на 11 мая 2026 года ў раёне зарэгістравана 13 загаранняў у прыродных экасістэмах. МНС заклікае выконваць правілы пажарнай бяспекі пры навядзенні парадку на прыдамавой тэрыторыі і зямельных участках.

Калі Вы сталі відавочцам гарэння сухой расліннасці або іншай надзвычайнай сітуацыі, тэлефануйце па нумарах 101 або 112!