На Пастаўшчыне стартаваў другі этап абласнога форуму для маладых спецыялістаў АПК

Удзел у ім прымаюць 140 пачынаючых работнікаў аграсферы з усяго рэгіёна.

У рамках праграмы ўдзельнікі наведваюць вядучыя сельгаспрадпрыемствы раёна. Яны ўбачаць, як працуе Пастаўскі малочны завод, пазнаёмяцца з перадавымі тэхналогіямі на рабатызаванай ферме «Валохі» (ААТ «Хацілы-агра»), а таксама наведаюць сучасны малочна-таварны комплекс у «Навасёлках-лучай» і Пастаўскі льнозавод.

Завершыцца фармат адкрытым дыялогам з першым намеснікам старшыні Віцебскага аблвыканкама Сяргеем Ляўковічам і памочнікам Прэзідэнта – інспектарам па Віцебскай вобласці Уладзімірам Юргевічам. Галоўнымі тэмамі для абмеркавання стануць праца з моладдзю і кар'ерныя перспектывы для маладых кіраўнікоў у аграбізнесе.