Майстры Цэнтра культуры і народнай творчасці Пастаўскага раёна прэзентавалі праект «Пастаўшчына рамесная»

19 лютага майстры Цэнтра культуры і народнай творчасці Пастаўскага раёна Крысціна Брэская і Алена Крывенкая прэзентавалі праект «Пастаўшчына рамесная».

Удзельнікам трэба будзе асвоіць асновы ткацтва, каб стварыць мноства невялікіх паясоў. З гэтых фрагментаў у выніку збяруць вялікае пано — карту раёна памерам 2 на 1,5 метра. Завяршыць працу плануюць да снежня: гатовае пано прадставяць на цырымоніі закрыцця «Культурнай сталіцы» і падораць роднаму краю.