Лукашэнка падвёў вынікі УНС: прынятая праграма - праект мадэрнізацыі і абнаўлення ўсіх сфер жыцця
На другім пасяджэнні VII УНС упершыню рэалізаваны шэраг новых канстытуцыйных паўнамоцтваў. Так, абноўлены склад вышэйшых судовых інстанцый, зацверджаны базавы дакумент дзяржаўнага планавання на сярэднетэрміновы перыяд - праграма на будучую пяцігодку.
"Прынятая праграма - гэта праект мадэрнізацыі, абнаўлення ўсіх сфер жыцця. У ёй улічаны дасягненні мінулых гадоў, актуальныя выклікі і нашы магчымасці. Так, пастаўленыя на пяцігоддзе задачы напружаныя, але не завоблачныя. Мы ніколі не пакутавалі на пражэкцёрства, заўсёды будавалі рэальныя планы, ішлі наперад паступальна, крок за крокам. І рэалізацыя запланаванага - у нашых руках", - сказаў Прэзідэнт.
Кіраўнік дзяржавы, гаворачы аб будучым развіцці сельскай гаспадаркі ў краіне, асабліва адзначыў заслугі аднаго з удзельнікаў УНС - механізатара прадпрыемства "Кухчыцы" Паўла Шуцілы, які ў час цяперашняй уборачнай кампаніі намалаціў 8 тыс. т збожжа, што з'яўляецца абсалютным рэкордам у краіне. Аляксандр Лукашэнка заўважыў, што ў той час, калі ён кіраваў сельгаспрадпрыемствам, там збіралі каля 3-4 тыс. т збожжавых. А тут адзін чалавек намалаціў 8 тыс. т!
"Тут хлопец - герой - сядзіць. Восем з лішнім тысяч тон намалаціў!" - сказаў Прэзідэнт. Заслугам механізатара апладзіравала ўся зала.
"Я настойваю на тым, што і новыя вытворчасці трэба. Калі нацыя хоча развівацца, трэба не проста паглыбляць вытворчасці там, дзе мы нешта ўмеем, але і ствараць новыя", - заявіў Аляксандр Лукашэнка.
Прэзідэнт спыніўся на такой сферы, як авіябудаванне: "Кое-што мы ўмеем рабіць, таму што ажыццяўлялі рамонт самалётаў - і грамадзянскіх, і ваенных".
Ён адзначыў, што ў свой час было прынята рашэнне па пераносе з Мінска завода грамадзянскай авіяцыі на тэрыторыю Нацыянальнага аэрапорта Мінск. "Вынеслі авіярамонтнае гэта прадпрыемства. Гэта першая чарга. Сёння мы гатовы яго пашыраць і мы спатрэбіліся. Калі спецыялісты з Расіі прыехалі, дзе авіябудаванне на высокім узроўні, яны ахнулі. Паглядзелі: "У вас (у Беларусі. - Заўв. БЕЛТА) спецыялісты ёсць, у вас класныя вытворчасці - вам няшмат трэба для таго, каб вырабляць самалёты", - дадаў кіраўнік дзяржавы.
Кіраўнік дзяржавы падкрэсліў, што ў Беларусі трэба, абапіраючыся на напрацаваныя вопыт і кампетэнцыі, больш глыбока развіваць існуючыя напрамкі ў эканоміцы і сацыяльнай сферы, нічога асаблівага пры гэтым не выдумляючы. "У нас ёсць пэўныя напрамкі развіцця. Калісьці на іх ніхто не звяртаў увагі, ці хтосьці за мяжой не звяртаў увагі. Сёння не толькі ў нашай брацкай Расіі - гэта наш адзіны рынак, можна сказаць і так, - усе зразумелі, што ў нас у савецкія часы былі створаны цудоўныя школы, спецыялісты, кампетэнцыі, як цяпер модна гаварыць. Чаго нам у Беларусі выдумляць? Попыт на сельскую гаспадарку ёсць? Ёсць. Трэба развіваць", - сказаў Прэзідэнт.
"Будзем моладзь падтрымліваць. Хто хоча працаваць і зарабляць, - мы на гэта ні грошай, ні часу не пашкадуем. Але тых (будзем падтрымліваць. - Заўв. БЕЛТА), хто хоча працаваць", - заявіў беларускі лідар.
"Нам трэба акуратненька, не адштурхоўваючы моладзь, прыстасоўваць іх да працы. Калі чалавек панюхае, што такое праца, ён будзе патрыётам і нармальным чалавекам. Ён ніколі не пабяжыць, як нашы беглыя пабеглі, не падумаўшы. А потым сутыкнуліся з рэальнай рэчаіснасцю", - сказаў Прэзідэнт.
"Выходзьце і гаварыце. Мы адкрыты для гэтай размовы", - заявіў Аляксандр Лукашэнка.
З адпаведнай прапановай на пасяджэнні УНС выступіў старшыня Ліберальна-дэмакратычнай партыі Алег Гайдукевіч.
"Мы падумаем разам з кіраўнікамі партый, які з напрамкаў магла б партыйная арганізацыя курыраваць. Добрая прапанова. Я абсалютна за гэта", - сказаў Прэзідэнт.
Кіраўнік дзяржавы, гаворачы пра суднабудаванне, звярнуў увагу, што ў свой час у Пінску ледзь не загубілі суднабудаўніча-суднарамонтны завод. "Розуму хапіла кампетэнцыі нейкія захаваць. Маламерныя або сярэднія судны мы гатовы там вырабляць. Кампетэнцыі сёе-якія ёсць", - падкрэсліў ён.
Лукашэнка нагадаў пра лічбавую бяспеку, у тым ліку на асабістым прыкладзе
Кіраўнік дзяржавы расказаў, што нядаўна, другі раз на працягу гэтага года, яго асабіста папярэдзіла контрразведка Расіі аб тым, што асобныя тэлефоны людзей з акружэння Прэзідэнта - на кантролі ў ЗША. "Цікавасць велізарная", - заўважыў Аляксандр Лукашэнка.
Прэзідэнт падкрэсліў, што трэба асвойваць і развіваць уласныя тэхналогіі апрацоўкі і захоўвання даных. І тут важна нават не столькі зрабіць, напрыклад, айчынны мабільны тэлефон, колькі стварыць уласнае праграмнае забеспячэнне. Пры гэтым важна, паводле слоў Аляксандра Лукашэнкі, не загубіць і тэхналогіі правадной тэлефоннай сувязі.
Лукашэнка: асноўная ўвага ў пяцігодцы будзе ўдзелена развіццю раёнаў Беларусі
"Асноўная ўвага ў пяцігодцы будзе ўдзелена нашым раёнам. У нас 118 раёнаў, - сказаў Аляксандр Лукашэнка. - Там нашы людзі. Яны ў нас не закінуты, гэтыя раёны. Цэнтры прывялі ў парадак - чысценькія, акуратненькія".
Кіраўнік дзяржавы звярнуў увагу, што ў мікраэлектроніцы Беларусь дзякуючы сумеснай рабоце з расіянамі забяспечыла сапраўдны прарыў. "Дзякуючы сумеснай вытворчасці мы пачалі вельмі сур'ёзна рухацца ў мікраэлектроніцы", - сказаў Аляксандр Лукашэнка.
Як падкрэсліў кіраўнік дзяржавы, "Паланэз" неабходна ўдасканаліць з улікам развіцця ў тым ліку сродкаў радыёэлектроннай барацьбы. "Сітуацыя вельмі змянілася. Сродкі радыёэлектроннай барацьбы магутныя. Нам трэба гэту ракету абараніць, каб яна была яшчэ больш дакладнай, каб яна ў фортку залятала, як я калісьці гаварыў. У бліжэйшыя гады мы атрымаем больш удасканалены "Паланэз", але мы павінны самі гэта вырабляць. Мы свой "Паланэз" - апошнія варыянты - зрабілі самі. Калі ўмеем рабіць, трэба яго ўдасканаліць. Гэта наша тэма - абараніць ракету ад уздзеяння сродкаў радыёэлектроннай барацьбы", - адзначыў ён.
Кіраўнік дзяржавы нагадаў, што па рашэнні Султана Амана, з якім у Аляксандра Лукашэнкі склаліся добрыя асабістыя і дзелавыя адносіны, у гэтай краіне для Беларусі выдзелена плошча больш за 200 га для рэалізацыі праекта па будаўніцтве турыстычных аб'ектаў.
Паводле слоў Прэзідэнта, цяпер вядзецца праектаванне і ў бліжэйшыя гады плануецца прыступіць да будаўніцтва. Пры гэтым прыцягваецца фінансаванне прыватных інвестараў.
Звяртаючыся да дэлегатаў, Аляксандр Лукашэнка адзначыў, што ўсе яны загадзя мелі магчымасць вывучыць і прапрацаваць праект праграмы. "Я разумею, што сярод дэлегатаў шмат людзей, якія ўпершыню сутыкаюцца з такімі праблемамі. Але быць дэлегатам - справа складаная. І часам даводзіцца не проста займацца арыфметыкай