Гісторыка-культурная спадчына Пастаўскага раёна

Захаванне гісторыка-культурнай спадчыны, духоўных каштоўнасцей з'яўляецца найважнейшай задачай нашага грамадства. У артыкуле 54 Канстытуцыі Рэспублікі Беларусь адзначаецца, што кожны грамадзянін абавязаны берагчы гісторыка-культурную, духоўную спадчыну і іншыя нацыянальныя каштоўнасці (1,13).

Аб'екты, якія маюць статус гісторыка-культурнай каштоўнасці, падлягаюць ахове з боку дзяржавы.

Пытанні аховы гісторыка-культурнай і археалагічнай спадчыны Рэспублікі Беларусь рэгулююцца Кодэксам Рэспублікі Беларусь аб культуры ад 20 ліпеня 2016 г. № 413-3 (рэд. ад 6 лютага 2023 г.).

На тэрыторыі Пастаўскага раёна знаходзяцца 45 помнікаў гісторыі і культуры, якія маюць статус гісторыка-культурнай каштоўнасці і ўключаны ў Дзяржаўны спіс гісторыка-культурных каштоўнасцей Рэспублікі Беларусь, 33 з якіх адзначаны асобным шыфрам у названым спісе (9 помнікаў археалогіі, 7 помнікаў гісторыі, 17 — архітэктуры).

Большасці аб'ектаў Пастаўскага раёна, якія маюць статус гісторыка-культурнай каштоўнасці, прысвоена катэгорыя «3», г.зн. гэта гісторыка-культурныя каштоўнасці, адметныя духоўныя, мастацкія ўласцівасці і асаблівасці якіх маюць значэнне для рэгіёна.

Гісторыка-культурныя каштоўнасці Пастаўскага раёна, якія прадстаўляюць нацыянальнае значэнне (катэгорыя «2»):

Архітэктурны ансамбль былой Рыначнай плошчы (1760 – 1780 гг.)

Гасцініца (былы дом для заездаў, сёння краязнаўчы музей)

Дамы рамеснікаў

Касцёл Святога апостала Андрэя ў г.п. Лынтупы (1908 – 1914 гг.)

Касцёл Святога апостала Андрэя ў г.п. Лынтупы (1908 – 1914 гг.)

Будынак былога палаца Тызенгаўза (1760 г.)

Будынак былога вадзянога млына (другая палова ХІХ ст.)

Троіцкі касцёл у аг. Дунілавічы (1769 – 1773 гг.)

Касцёл Святога Тадэвуша ў в. Лучай (1766 г.)

Жамчужынай Пастаўшчыны з'яўляецца ўнікальны помнік архітэктуры — касцёл Святога Іаана Хрысціцеля ў аг. Камаі (1603 – 1606 гг.)

Гэты аб'ект гісторыка-культурнай спадчыны (катэгорыя «0») прэтэндуе на ўключэнне ў Спіс Сусветнай спадчыны ЮНЕСКА.