Дзяржаўтаінспекцыя Віцебскай вобласці праводзіць рэйдавыя мерапрыемствы па маршрутных транспартных сродках
a
З 14 верасня Дзяржаўтаінспекцыя Віцебскай вобласці праводзіць рэйдавыя мерапрыемствы па маршрутных транспартных сродках. Акцыя праходзіць сумесна з аператарамі аўтамабільных перавозак, а таксама іншымі зацікаўленымі.
У пачатку жніўня ў мікрараёне Білева горада Віцебска адбылося сур'ёзнае ДТЗ па віне вадзіцеля маршрутнага таксі, які выехаў на скрыжаванне на забараняльны сігнал святлафора. У выніку грубага парушэння правіл дарожнага руху пацярпелі 5 чалавек, двое з якіх дзеці.
На працягу тыдня інспектары правераць тэхнічны стан мікрааўтобусаў, захаванне правіл допуску вадзіцеляў да працы і іх паводзіны на дарогах. Асаблівая ўвага будзе нададзена правілам перавозкі пасажыраў.
Рэйдавыя мерапрыемствы пройдуць да 21 верасня.
Аляксандр Арэхаў, начальнік АДАІ АУС райвыканкама