Што рабіць, калі заспела навальніца

17 ліпеня ў выніку ўдару маланкі ў вёсцы Ельніца Мінскага раёна загінула дзяўчына і траўміраваны чацвёра мужчын, якія хаваліся ад навальніцы пад дрэвам.

Самая вялікая небяспека пры навальніцы - паражэнне маланкай. Каб пазбегнуць яе, трэба ведаць, як сябе паводзіць падчас непагадзі.

Калі навальніца заспела Вас:

у кватэры, доме, будынку:

· адключыце ўсе электрапрыборы і выцягніце штэкер вонкавай антэны з тэлевізара, спыніце тэлефонныя размовы

· зачыніце вокны, дзверы і коміны, каб не было скразнякоў

· не размяшчайцеся каля акна, печы, каміна, масіўных металічных прадметаў, на даху і на гарышчы, не дакранайцеся да прыбораў ацяплення

· не прымайце ванну, душ, не мыйце посуд

на вуліцы:

· пакіньце адкрытую прастору і зайдзіце ў любы будынак

· не дакранайцеся да сцен. Трымайцеся далей ад любых правадоў, не набліжайцеся да громаадводаў

· не карыстайцеся мабільным тэлефонам. Не станавіцеся паблізу высокіх слупоў, ліній электраперадачы, дрэў, рэкламных шчытоў і г.д.

· нельга бегаць, ездзіць на веласіпедзе, мапедзе, матацыкле, роліках

у машыне:

· спыніце рух, заставайцеся ў аўтамабілі

· зачыніце вокны, апусціце антэну, заглушыце рухавік і перачакайце навальніцу ў салоне аўтамабіля

· не дакранайцеся да ручак дзвярэй і іншых металічных прадметаў

· не варта браць у рукі мабільны тэлефон

у лесе:

· трымайцеся далей ад высокіх асобна стаячых дрэў, не размяшчайцеся каля вогнішча, бо слуп гарачага паветра – добры праваднік электрычнасці. Часцей за ўсё маланка б'е ў дубы, таполі і вязы, радзей – у бярозу і клён

· схавайцеся паміж нізкарослымі дрэвамі з густымі кронамі. Акрамя таго, выбіраючы сабе сховішча, звярніце ўвагу, каб побач не было расшчэпленых дрэў, раней пашкоджаных навальніцай. Грунт на дадзеным участку мае высокую электраправоднасць, і ўдар маланкі сюды яшчэ раз вельмі верагодны

на адкрытай мясцовасці (у полі):

· не станавіцеся на ўзвышшах, каля апор ліній электраперадачы і пад правадамі. Пашукайце яму або яр. Калі ж ніякіх паглыбленняў паблізу няма – прысядзьце на кукішкі ў позе эмбрыёна, рукамі абхапіўшы калені

· не хавайцеся ў стагу сена, саломы, у хлявах

· не хадзіце басанож і не падымайце над галавой рыдлёўкі, цяпкі, косы, вуды. Гэта токаправодныя прадметы

на вадаёме:

· выйдзіце з вады, адыдзіце далей ад берага і схавайцеся ў сховішчы

· калі Вы знаходзіцеся ў лодцы, неадкладна грабіце да берага. Калі гэта немагчыма – асушыце лодку, падніміце ахоўны тэнт, надзеньце сухое адзенне, падкладзіце пад сябе выратавальны камізэлька або боты.

· рыбалку падчас навальніцы неабходна спыніць, бо снасці з'яўляюцца правадніком для электрычнасці