Аўтаномны пажарны апавяшчальнік - эфектыўная і надзейная абарона вашага дома!
Чаму аўтаномны пажарны апавяшчальнік патрэбен у кожным доме? Для таго, каб атрымаць адказ на гэтае пытанне, задумайцеся: ці хацелі б Вы своечасова даведацца пра пажар, які пачынаецца, у сваёй кватэры ці доме? А ці ёсць шанец выявіць пажар у доме ўначы, калі чалавек спіць і не адчувае паху дыму? Здавалася б, адказ відавочны. Ды і ў народзе не дарэмна спрадвеку кажуць: «Злодзей пройдзе – сцены пакіне, агонь пройдзе – усё забярэ і папялішча пакіне».
Але, у той жа час, большасць людзей упэўненыя, што пажар можа здарыцца дзе заўгодна, але толькі не ў іх, многія кажуць, што мы не п'ём і не курым, таму пажарны апавяшчальнік нам не патрэбны. А пажары здараюцца не толькі па гэтай прычыне. Кароткае замыканне электраправодкі, не адрамантаваная своечасова печ, забыты прас або ежа, якая гатуецца на пакінутай без нагляду пліце, дзіцячае свавольства з агнём – вось далёка не поўны пералік прычын пажараў, якія пастаянна фігуруюць у зводках МНС.
Практыка паказвае, што ў домаўладаннях, абсталяваных аўтаномнымі пажарнымі апавяшчальнікамі, у шмат разоў павышаецца ўзровень бяспекі людзей, якія ў іх пражываюць. Толькі ў 2021 годзе ў Віцебскай вобласці дзякуючы спрацоўкам АПА выратаваны 26 чалавек, з іх 3 дзіцяці. У гэтым годзе апавяшчальнік выратаваў 4 жыцці ў Віцебскай вобласці.
28 лістапада ў 23-05 на аварыйна-выратавальны пост №12 Ушацкага раённага аддзела па НС прыйшоў мужчына і сказаў, што ў яго суседа ў кватэры па вуліцы Паўднёвай у аграгарадку Глыбочка пішчыць аўтаномны пажарны апавяшчальнік, а з акна ўжо ідзе дым. Ратавальнікі адразу ж выехалі па ўказаным адрасе, з акна кватэры зблакаванага аднапавярховага дома ішоў дым. Каля дома стаяла суседка яна і паказала ратавальнікам акно ў пакой, дзе звычайна знаходзіўся гаспадар-пенсіянер. Работнікі МНС уключыліся ў апараты і праніклі ў дом праз акно. У пакоі было поўна дыму, практычна адразу справа ад акна на падлозе ўбачылі ляжачага мужчыну, ён быў у прытомнасці, аднак разабраць яго гаворку не змаглі. Усё таксама, праз аконны праём пажарныя дасталі мужчыну з пакоя. Да прыезду медыкаў мы аказвалі яму пасільную медыцынскую дапамогу. Праз некаторы час на месца прыбыла хуткая медыцынская дапамога, мужчыну, 1959 года нараджэння, з апёкамі і атручваннем прадуктамі гарэння шпіталізавалі ў бальніцу. Дарэчы, у кватэры, якая гарэла, агнём пашкоджаны ложак і маёмасць. Прычынай пажару паслужыла – неасцярожнасць пры курэнні.
Аўтаномны пажарны апавяшчальнік (АПА) прызначаны для аўтаматычнага выяўлення пажару (задымлення) і апавяшчэння аб ім. Прыбор можа апавяшчаць аб пажары самастойна або сумесна ў складзе аўтаномнай сістэмы пажарнай сігналізацыі. АПА называецца аўтаномным, паколькі яго канструкцыя выканана такім чынам, што для працы яму не патрабуецца падключэнне да электрычнага ланцуга і падлучэнне да пульта кіравання. Унутры пластыкавага корпуса размешчаны крыніца сілкавання – батарэйка тыпу «Крона» і кампаненты, неабходныя для выяўлення пажару і непасрэднага апавяшчэння аб ім. АПА варта ўсталёўваць ва ўсіх жылых пакоях (акрамя кухні) домаўладанняў.
Вельмі важна правільна выбраць месца ўстаноўкіапавяшчальніка. АПА рэкамендуецца ўсталёўваць у цэнтральнай частцы столі з невялікім зрушэннем у бок акна або дзвярэй – там, дзе забяспечаны пастаянны паветраабмен.
Сама ўстаноўка апавяшчальніка не патрабуе спецыяльных ведаў і навыкаў. У камплекце да яго прыкладаецца падрабязная інструкцыя, якая змяшчае ўсю неабходную інфармацыю аб мантажы, прыладзе і правілах эксплуатацыі. Прыбор зусім не псуе інтэр'еру, яго крапежная пляцоўка замацоўваецца на столі пры дапамозе шурупаў, а далей усталёўваецца сам аўтаномны пажарны апавяшчальнік (паварочваннем па гадзіннікавай стрэлцы да ўпора). Для дэмантажу дастаткова павярнуць прыладу супраць гадзіннікавай стрэлкі.
Міргаючы сігнал святлодыёда чырвонага колеру, размешчанага на корпусе АПА, сведчыць аб ягоспраўнасці і знаходжанні ў дзяжурным рэжыме працы. Пры выяўленні задымлення АПА падае перарывісты гукавы сігнал з пастаянным свячэннем святлодыёда чырвонага колеру. Для спынення падачы гукавога сігналу апавяшчальніка трэба ліквідаваць крыніцу задымлення і праветрыць памяшканне.
У працэсе эксплуатацыі АПА неабходна ажыццяўляць яго тэхнічнае абслугоўванне, якое заключаецца ў ачыстцы аптычнай сістэмы апавяшчальніка пры дапамозе фена ў халодным рэжыме на максімальнай магутнасці. Не разбіраючы апавяшчальнік, брую паветра накіруйце на а