28 мая – Дзень пагранічніка!
28 мая сваё прафесійнае свята адзначаюць людзі, воінскі абавязак якіх — ахова і абарона Дзяржаўнай граніцы Беларусі. Сярод іх — старшы тэхнік пагранзаставы «Ярэва» Смаргонскай пагранічнай групы Аляксей Арлоў.
Зона адказнасці пагранзаставы — участак граніцы з Літвой працягласцю каля 40 кіламетраў. Яго ўздоўж і ўпоперак Аляксей вывучыў добра, прайшоўшы пешшу сотні кіламетраў. Заходы і ўзыходы ў нарадзе, непагода і бездарожжа, любы насцярожваючы шолах або хруст галінак, сустрэча тварам да твару з ваўком або мядзведзем — гэта толькі некаторыя моманты з жыцця пагранічніка.