21 сакавіка ў Доме культуры па вул. Станкевіча адбылася ўрачыстая цырымонія спецыяльнага памятнага гашэння паштовага канверта «Паставы – культурная сталіца Беларусі-2026»
Разам з прадстаўнікамі Міністэрства культуры, аблвыканкама, «Белпошты» і кіраўніцтва раёна першыя экзэмпляры ўнікальнага канверта ўпрыгожыў памятны штэмпель.
У ліку ўдзельнікаў цырымоніі: Іна Адамовіч (Мінкульт), Вячаслаў Дурноў (Віцебскі аблвыканкам), Глеб Лапіцкі (Цэнтр культуры «Віцебск»), Сяргей Чэпік (старшыня Пастаўскага райвыканкама), Таццяна Фірсава (Белпошта).
Пагашаны канверт зараз стане не толькі каштоўнай філатэлістычнай рэдкасцю, але і сімвалам прызнання багатай культурнай спадчыны Пастаў.
