6 марта 2019
Ідэалагічная работа ў Паставах — на вышыні
1 сакавіка ў Віцебскім аблвыканкаме адбылася падагульняючая калегія галоўнага ўпраўлення ідэалагічнай работы і па справах моладзі. Вынікі работы кадраў ідэалагічнай вертыкалі вобласці, сродкаў масавай інфармацыі і паліграфічных прадпрыемстваў падвёў намеснік начальніка ўпраўлення Пётр Гнуценка. У пасяджэнні калегіі прыняў удзел намеснік кіраўніка вобласці Уладзімір Пенін. Ён узнагародзіў пераможцаў абласнога агляду-конкурсу на найлепшую арганізацыю ідэалагічнай работы ў працоўных калектывах за мінулы год. Сярод іх і пастаўчане. У іх скарбонцы адразу 5 узнагарод. Дыплом за 1-е месца ў намінацыі "Культура" атрымаў Пастаўскі раённы краязнаўчы музей, Падзякамі аблвыканкама адзначаны УП ЖКГ Пастаўскага раёна і ЦБП №230 філіяла №216 ААТ "Ашчадны банк "Беларусбанк". Таксама дваіх пастаўчан узнагародзілі Ганаровымі граматамі ўпраўлення ідэалагічнай работы і па справах моладзі за эфектыўную арганізацыю дзейнасці студэнцкіх атрадаў і развіццё студатрадаўскага руху Віцебскай вобласці — гэта Вячаслаў Крыштафовіч, дырэктар ААТ "Хацілы-агра", і Юрый Шымчык, дырэктар ААТ "Навасёлкі-Лучай".Газета «Пастаўскі край»