З 31 мая па 2 чэрвеня спартыўна-турыстычны комплекс "Азёркі" стане пляцоўкай для правядзення абласной спартакіяды сярод сельскіх жыхароў "Сельскія гульні-2019".
Праграмай прадугледжаны 7 гульнявых спаборніцтваў: міні-футбол, валейбол (асобна сярод жанчын і мужчын), лёгкая атлетыка, настольны тэніс, паласа перашкод і гіравы спорт. Конкурсная праграма будзе складацца з "Візітнай карткі", прыгатавання і дэгустацыі паходных страў.
Чакаецца, што ў спартакіядзе прымуць удзел каманды з 18 раёнаў вобласці. Пастаўшчына сваю каманду заяўляць не плануе, бо будзе забяспечваць судзейства. Усяго "Сельскія гульні" павінны сабраць прыблізна 500 удзельнікаў. І гэта самая маштабная спартыўная падзея ў раёне за апошнія гады.
Вераніка Філановіч, газета “Пастаўскі край”