Маладыя сем’і — на дажынкі!

1 кастрычніка 2016 года ў аграгарадку Кураполле адбудуцца дажынкі (пачатак у 11.00). На свяце будуць ушанаваны працаўнікі ААТ “Кураполле-агра”.

У рамках мерапрыемства пройдзе і адкрыты сельскагаспадарчы конкурс сярод маладых сем’яў “Майстры вёскі” з удзелам гасцей з Латвіі.

Запрашаем да ўдзелу ў конкурсе маладыя сем’і (узрост удзель­нікаў павінен быць не старэй за 31 год), якія знаходзяцца ў зарэгістраваным шлюбе, жывуць у сельскай мясцовасці нашага раёна і маюць дзяцей. Заяўкі прымаюцца ў аддзеле ідэалагічнай работы, культуры і па справах моладзі райвыканкама па тэлефоне 4-25-13.

Для ўсіх удзельнікаў і гасцей свята ў 13.00 пачнецца канцэрт ваеннага духавога аркестра Смаргонскай пагранічнай групы. Будзе працаваць выязны гандаль.

Запрашаем усіх жадаючых!