Адрас: 211875, г. Паставы, пл. Леніна, д. 25
Тэлефон прыёмнай: 8 (02155) 4-10-45, 8 (02155) 4-12-45 c 8.00 до 17.00
Электронная пошта райвыканкама: postavisp@vitebsk.by
Рэжым работы: пн-пт з 8.00 да 17.00, абедзенны перапынак з 13.00 да 14.00, выхадныя дні: сб, нд
Вышэйстаячы дзяржаўны орган
Начная набярэжная Храм Паставаў Палац Тызенгаўза Паставы ноччу Набярэжная
Начная набярэжная
Начная набярэжная
Храм Паставаў
Палац Тызенгаўза
Паставы ноччу
Набярэжная
Галоўная / Навіны / Навіны рэспублікі
6 ліпеня 2020

Беларусь прапанавала Рэспубліцы Карэя распрацаваць дарожную карту супрацоўніцтва

Беларусь прапанавала Рэспубліцы Карэя распрацаваць рамачную дарожную карту супрацоўніцтва ў кантэксце "новай паўночнай палітыкі" гэтай краіны. Такую ініцыятыву агучыў намеснік міністра замежных спраў Андрэй Дапкюнас у час відэаканферэнцыі сустаршынь сумеснага беларуска-карэйскага камітэта, паведамілі БЕЛТА ў прэс-службе МЗС.

Карэйскі бок прадстаўляў намеснік кіраўніка МЗС Лі Сан Хо. Удзельнікі мерапрыемства абмеркавалі актуальныя пытанні двухбаковага супрацоўніцтва ва ўмовах складанай эпідэміялагічнай абстаноўкі. Размова, у прыватнасці, ішла аб палітычным узаемадзеянні, дасягнута дамоўленасць прадоўжыць падрыхтоўку візітаў высокага ўзроўню, у тым ліку першага візіту міністра замежных спраў Беларусі ў Рэспубліку Карэя і візіту па парламенцкай лініі, якія былі адкладзены ў сувязі з абмежавальнымі мерамі з-за каранавіруса.

"Намеснік міністра Беларусі прапанаваў разгледзець магчымасць і мэтазгоднасць распрацоўкі двухбаковай рамачнай дарожнай карты ў кантэксце ажыццяўлення урадам Рэспублікі Карэя "новай паўночнай палітыкі". На думку дыпламата, перспектыўнымі галінамі супрацоўніцтва паміж дзвюма краінамі могуць стаць інфармацыйныя тэхналогіі, даследчыя работы, сумесная вытворчасць станкоў і медыцынскага абсталявання, хімічная прамысловасць і электроніка", - адзначылі ў МЗС.

Андрэй Дапкюнас звярнуў увагу на важнасць паскарэння сертыфікацыі і выдачы дазволаў беларускім вытворцам фармацэўтыкі, мясной і малочнай прадукцыі. "Дыпламаты таксама абмяняліся думкамі аб працэсе далучэння Беларусі да Сусветнай гандлёвай арганізацыі і ў кантэксце зацікаўленасці Беларусі ў паляпшэнні краінавага рэйтынгу па класіфікацыі Арганізацыі эканамічнага супрацоўніцтва і развіцця", - дадалі ў МЗС.