Адрас: 211875, г. Паставы, пл. Леніна, д. 25
Тэлефон прыёмнай: 8 (02155) 4-10-45, 8 (02155) 4-12-45 c 8.00 до 17.00
Электронная пошта райвыканкама: postavisp@vitebsk.by
Рэжым работы: пн-пт з 8.00 да 17.00, абедзенны перапынак з 13.00 да 14.00, выхадныя дні: сб, нд
Вышэйстаячы дзяржаўны орган
Храм Паставаў Начная набярэжная Набярэжная Паставы ноччу Палац Тызенгаўза
Храм Паставаў
Храм Паставаў
Начная набярэжная
Набярэжная
Паставы ноччу
Палац Тызенгаўза
Галоўная / Навіны / Навіны рэгіёна
22 кастрычніка 2019

Традыцыйныя вясельныя ўборы пакажуць на выстаўцы ў Віцебску

Нявестам на заметку: традыцыйныя вясельныя галаўныя ўборы і артэфакты жыхароў Віцебскай вобласці пакажуць на выстаўцы ў горадзе на Дзвіне, паведамілі карэспандэнту БЕЛТА ў Віцебскім абласным цэнтры народнай творчасці.

Выстаўка "Вянок нявесты" адкрыецца 23 кастрычніка. Яе аснову складуць традыцыйныя галаўныя вясельныя ўборы розных рэлігійных канфесій, якія прывязуць прадстаўнікі раённых Дамоў рамёстваў. У складзе калекцый будуць таксама дэманстравацца павязкі і вянкі дружак нявест, шапкі жаніха і шафераў, хустачкі (насілі на плячах жаніх і яго шаферы), букеты (насілі на грудзях шаферы), фатаграфіі ў рамках, артэфакты пасагу нявесты, атрыбуты вясельнага абраду, лялечныя кампазіцыі вясельнага сюжэту і многае іншае.

Усе экспанаты адносяцца да XX стагоддзя. Частка з іх аўтэнтычная. Некаторыя рэчы былі карпатліва адноўлены па захаваных успамінах старажылаў і этнаграфічных навуковых даных. Лепшыя работы майстроў адзначаць спецыяльнымі дыпломамі.

У час выстаўкі для наведвальнікаў будзе працаваць фотазона, запланаваны майстар-клас па вырабе вясельнага вянка і дэманстрацыя абрадаў апранання нявесты, павязвання хусткі.

Азнаёміцца з выстаўкай можна будзе да 29 лістапада.

НАВIНЫ БЕЛАРУСI